quinta-feira, 22 de outubro de 2009

O SEGREDO DO TRISKELE NA PORTA MÁXICA

No Barrié de la Maza estamos traballando a nivel de todo primaria o proxecto MAXIA CELTA. Temos un bosque encantado e no medio a nosa porta máxica que nos leva a aula na que viviremos miles de aventuras.

O símbolo do noso proxecto é un Triskele, tres círculos ou tres caracois.
Image Hosted by ImageShack.us

Cando os rapaces e rapazas do colexio de Santiago Oliveira realizaron o seu caligrama do caracol prometínlles que viviría unha aventura magnífica no noso cole e así foi.

Os alumn@s de 4º foron os que recibiron ao caracoliño e realizaron a súa primeira poesía visual completando o noso triskele e este foi o resultado.
1º circulo: Dende Ponteareas ven caracoliño. O Caracoliño vai polo camiño, ten na súa casa queixo pan e viño, o caracoliño segue o seu camiño, lento, despaciño.

2º circulo: Chega ao Barrié cheo de agarimo para completar o noso símbolo, dun mundo máxico e perdido. Fadas e trasnos atopa no camiño.

3º circulo: Con eles vai andando ata o seu destino: a porta máxica dun mundo antigo. E temos o triskele xa rematadiño e caracoliño segue o seu camiño, lento, despaciño.
Image Hosted by ImageShack.us
E ese é o segredo do Triskele.

Sem comentários:

Enviar um comentário

Enredando.